poèmes amazighs (maroc, 2010)

1

Fatima Moutaoukil

faïima mutawakil

Tagziwin n itran

Tagziwin n itran

Recueil de poèmes en tamazight

2010

2

TarragtTarragtTarragtTarragt

- I tmvart tamazivt, avbalu n tayri d tussna tamazivt, talli yav iäufn tutlayt nv, tamagit d watign nv.

- I willi isfaskan s tudrt nnsn fad ad tddr tmazivt.

- I Rachid Afaw, Tanirt d Anir Nejjari.

- I baba d immi, d aytma.

- I tawja n ayt Moutaoukil d tawja n ayt Nejjari d tawja n ayt Bouaddi.

- I Mohamed Oussous d tawja ns, Brahim laasri Amaziv d tawja ns.

- I Lahoucine Mourabih, Bochra Alami, Farid Mohamed Zalhoud, Mohamed Bouzait, Reqia-tanirt Kadi d tiyyaä d

wiyyaä lli bdda si iflsn, awsn iyi ku yan s tvarast ns, fad ad bikksv i tirra s tmazivt, smunv isyafatn inu v tadla-ad inu tamzwarut.

3

TanmmirtTanmmirtTanmmirtTanmmirt

I mass Mohamed Oussous d massa

Aziza Nafia lli isgaddan tawckint ad,

awsn iyi gis, fkin as tizi nnsn, azzln fllas

aylliv æn inn tlkm.

4

TazwartTazwartTazwartTazwart

Tamdyazt ar tssfsay akud v tvawsiwin, ar

trwwi içllayn n tudrt, tals asn tsni tn s

tvarast ns irççan timyurin, tamdyazt täuç, ur

tt issgrd ufus, akud nna tgrd, ur sul tgi

tamdyazt!

Tamdyazt tga arraw n urmmaä, ar d ttnssis

zg içuran n tmmara, taddum d zg isttivn n

tinitin d ivasan n iman! ar ttgga aswingm

isddiqqisn, taguri irwln i isqquln d iskraf,

tawla ittamçn tafkka n wawal, adif ns ur

ifaw, iqqn, akud nna ifaw ar d t yaæz kuyan

ur ar sul ittgga ifr ns ala izgzawn, is ar d-

iïïar ig taguri yasusn zund takawt!

Tamdyazt tga ijiwjiwn d icihliln immimn,

tga avwrmi n talla, tga azwu lli s ncucncuä

v turin nv, mayann af ur ar ttmtat!

Timitar ad akæ n tmdyazt ar tnt inn nttafa

v izlan n massa Fatima, acku tga lal n

wawal ifulkin, tusi v ul ns imlluln kra n

tukmisin n tufrayin, tsmnuäu v tasa ns kra n

tukrisin n tguriwin ur ar ttilint amr dar

iårramn n izlan, tzäar ad av sisnt tara

titbirin n wawal, tijddigin n tguri, timaddin

5

n iswingimn, ar tnt naqqra ar av ttarunt v

unlli tizlfin n wamud ibuvlan, nals nvr tnt

arunt dav tadliwin n wammakn, kra s ar tnt

naqqra ar ttfrujjunt uggar, ig mkann anza n

uäriã imqqurn, aäris lli ak ur yakkan aylli

yusi s yat tikklt, ar k ittadja ad t tssarut, tkrz

tt, ku tiklt nna t tkrzt s tvri nk, ar ak

ittnurçum tiwa ns, ifk ak iclifn n taäfi d

iwlkan n tamimt d iålmimn n iklan, acku ar

ak issav laç n tguri, iskr ak fad n wawal s

usatti ns n isyafatn vwmanin s iklan n iman

isisn s uzwag, ittyagasn s tizza n tudrt d

isnnann n ussan!

Tamdyazt n Fatima tga ilmma tisit n ul ns,

tg agrä n tawtmt, tg tugga f waïïan n uzwag.

Tga tisit n tasa ns acku nzäar akæ ad nn

nåmi imvan d tuga d isnnann n iman ns zg

tsatmt n izlan ns: armmaä ns, inzgumn ns,

icrrign ns, inuraz ns, ingaçn ns, ijiwjiwn ns

ilsan addal yaäfutn idran immukrsn!

Tga agrä n tawtmt acku tamdyazt ns tusi

tavlavalt n twargiwin n tawtmt tamazivt,

tarfufnt ns, amarg ns i tlelli d tdrfit d trçi n

iskraf lli mi sul ttbndaqn imnayn n tåccal n

6

trrugza yuffn s waäu n ikrkas izrin irkukan,

willi sul mi dln isasan n zik tawngimt

ggammin ad frkn i tafukt n tvrma mani tlkm

v uvrab!

Tga tugga f uzwag acku talalit n warra-ad

iga nit talalit n tskla n ayt uzwag, willi istin

nvd isti tn umuddu, zugn asin disn v ulawn

nnsn tussna nnsn d tayri n tmazirt nnsn d

içuran nnsn, willi d issmvin v ils nnsn

ijddign, ssgmun gis iålifn mad tn

issumumn gn tn d uslal n tirra nna rad yall

atig, tg uddur i tussna nnsn, acku massa

Fatima mqqar nn taggug f tmazirt s udvar,

mqqar tt isvar uãmmiä n Bariz, ar trqqa s

tguriwin n ils ns ilan aäu n uzuknni, taç d

bahra s ul ns lli ikkatn s udinan n tmagit ns,

acku tizi lli tzug, trba dis akæ akal ns d

tujjut ns, d tmqqa n unçar ns d ivwman n

taylgi ns d umdlfaw ns d tsgni ibrbcn s itran

v tillas ns, itran lli s tzäar ad av d tsslkm

tabrat nnsn acku ar disn ttnyilkim s ul ns n

umdyaz içrran aylli ur içrra kuyan!.

M.Oussous- Agadir Ass n 19/04/2010

7

Tarragt n twurgaTarragt n twurgaTarragt n twurgaTarragt n twurga

Tizi n tlalit Tizi n tmttant1 Tizi nttmckukuä takat

Irççan Agrä nk d winu Iëmin ammldi

Gr uznçum d wayyaä Nuls i tlalit

Nsbidd aäu F ifili n yat tguri Tnnit stt Nniv tt

Tsti aäan nv

Tkkis iwtta n umaäal

Tals i tkräa2 nv

1 Lmut. 2 La carte.

8

Nurar dis Tiwurga ircan v umzgun3 n unufl Nssalla tifawin Nssalla tudrt Nssalla ararad4

Naäu d Nanni nn taguri nv Ddaw uwrz n tmttant..

Paris, octobre 2009.

3 Théâtre 4 Avad mqqurn ijddrn.

9

Aviluf n udrarAviluf n udrarAviluf n udrarAviluf n udrar

Ssmdin ak Ay adrar n darnv Tavlavalt ikrrcn N tkndawt nnsn Lggmn ak timlillay Ad ur sllan tarwa nk I tvuri n tmagit Ittvirn f wafa nk Zzlfn asn timktit5 Ad ttun mad psan v tinml n uæba nk Kiyyin ar ttannayt Kiyyin ar tallat Kiyyin ur ar ttndudit Ar tn shlulluyn Ar tn snuhnnun S urarn ur igin wink Ar asn grrun ussan

5 Aylli s iktti ufgan (mémoire).

10

S ifili n yan umzruy Ur t yukz iman nk Amzruy nk nttan Ar sul ittmkilil Iggi n izikr n tidt Amr Ad injm i täuri Ad ur invd d ifil6 Zdin tavwrit d taäãa Rçmn adlis n ifcadn Skrn v tasutin tusdadin7 Sslsan ivd i iskkiln Tvamat-d ay adrar n darnv D utrs nk war amawas Nnan i tarwa nk Ams at i tmatarin s tillas Had ifis had iznæaä Maf ann za tggam tuggas? Nfln8 izmaz! Ssxsi at nn taäãa nnun v udis n umdduz Adrar n darnv

6 Zv fl : ddu tajjt t (abandon). 7 Minutes. 8 Badln

11

Ur ad as sul tsnntufm Iv t tsli tvwrit nnun Iglulan mnid ns Nttan izmmrn izzgrn Içuran nv i tasutin Gzi at akæ iwtta Ur sar tfsim azïïa Rbu yat ænnin Tisgni n usqsi Irbu udrar n darnv Timlli n tmrarut9..

Paris, janvier 2009.

9 Zg irur i wawal (réponse).

12

Aqqayn n izAqqayn n izAqqayn n izAqqayn n izuççççuän än än än

Sawl iyi mad ur nenna

Taælt akæ f ma f a nalla

Dl isaragn n tmktit

S ifrawn-ad n umwan10

Lli rbiv, lli trbit

Dl akæ imirn s tagut

Amr win tlalit nk

Kiyyin a iwis n tfsut

Ad isaysa11 ujddig d tafukt

Zuzzfn f tayri asdl n tatut

Ig uzmz n waggas tarut12

Sawl iyi f ijli n unlli

Gr iskkiln13 n tillawt nk

Sawl iyi f tazzit n tguriwin

10 Tamnjuct (l’automne). 11 Irkz, ipuc (danser). 12 Le vide 13 Les lettres

13

Ismavn ul inu d ifssi nk

Tngä tmdyazt v ungi n idammn

Ggiglnt14 giv twargiwin

Ayl di ar ignwan

Ad gis nïïay gr itran

Aïïan n unamir d tanirt

Ng i tamunt nnsn inagan

Zuzzrn fllav tayri tamvlult15

Tayri tar iwtta tar imirn

Als iyi ddaw targant nv

Issuggan tagziwin16 n ulawn

Als iyi umiyn n idrarn

Tallasin ijdrn imarayn

Tayriwin isndudin ikaln

Ttirir iyi izlan n ilaln17

14 gujlnt, gant tigigilin. 15 Talli sar ur immutn 16 Ufurn, tuntilin (secrets), yat: tagzi. 17 yan : ill (mer).

14

Aklulu n umarg v tummnda

Rzzf iyi abaynu n itran

Aål iyi tazlagt n usafar

Ad tfruri tuwda nu

v tammnt n uslal

Ig ul nk i winu anmmal

Giv nn sik iman

Lliv tsgldit

Lli tzlluzzit

Sawl

Slla

Syafa

Kti

Iv iyi akæ tnvit

Mäl iyi

v ufra n içuran nk

Paris mars 2009.

15

Man tudrt? Man tudrt? Man tudrt? Man tudrt? Is d tudrt Ad ukan nsgriwil Izmaz n umzruy Gr iragån n iãiä Yiwln tiwurga nv Is d tudrt Ad ng igigiln N usqsi amllaççu Ar siv ittulluy Gr izrirign n turda18 Tfdaddi giv Tmçla n izuçuän Arun av izuçuän Naru izuçuän Njdr d ma nkkussa Ng ilmma tarragt I tanigt n ussan Is d tudrt Ad km ng a tagccult Issndun ingaçn

18 cckk (doute)

16

Tizi d ssmvayn inçran Iqwirn19 nv gr urtan Is d tudrt Ad sul ur ng amr Tagallit n waäan i ussan Mas rad llfn i tillas Ah a nkænin imugas! Ncca nswa tikrkas Rçann giv isnnann Sul nnan Ma fa za ukan tallam Max ur tddrm ?

Agadir, août 2008.

19 Inna irdln ixlu, ur sul ittwayzdav.

17

IfilIfilIfilIfil

Zv ifil ar ifil Ar ntgga avulid Ixf n tuzzalt imsadn Ar izli ur ismdn Ar iärfan n usurf Nkkis ilmawn ad Npnnc isæla igrsn Inqqan irafan Inqqan tayriwin Inqqan ikttayn Ur iwwutta uswingm Ur tuwwtta tuzzalt Ar ttmckukuän Man tasga rad sul utn Ar d iïïar wawal Ar d iïïar lluban Ar d iïïar umïïa Ng ifri n tuggra Nfrk i invlan nv

Nmmass dar ifil yaän

Paris, avril 2008.

18

Atrs nusi t Atrs nusi t Atrs nusi t Atrs nusi t

Atrs nusi t Tawargit tiwim tt Tzugm tvawlm Tamurt n itran

Atrs nusi t Ad ur tallat A tallast nv Tallast taznçumt Kmmin ismuttuln tiguriwin I tamiwin n unufl Kmmin issuturn s waïïan Amawal nm Ad gis tafuä Tguri n tbäit Tallast tigigilt Ad ur tallat Mqqar Rçant twinas nm

19

F iggi n ijarifn Inagan n tassast N imarayn

Atrs nusi t Ussan ar fssin S umarg nnun Nnuäan umiyn Uänn iswingimn S taggugt nnun Tçul tmktit nv

S twngimt Atrs nusi t Nzuçä aåmmay N wassav nnun Nzuçä urarn S uçawan nnun Nzuçä tudrt Gr urtan nnun Atrs nusi t Tawargit tiwim tt Ar nttikrir Tillawt igzi ugris

20

Ar t nddl Ad æn ur ibrri Usmammi ns Ad ur tallat A tallast illuzzan Talalit n uzmz Iælan s tayri nnsn Ar d ttaç Rad turrim Nsrs atrs Ndru tawargit Ngr km a tallast v tfilit n tvufi Islla yam akæ Umaäal...

Paris, mars 2009.

21

Aggu d trufin nsAggu d trufin nsAggu d trufin nsAggu d trufin ns

Mad iyi tpiylt Tavart- ad n täuri? Awi tt s darun vid Winu ad iga ! Tggalt ur d i tdrrut Tummit n ufra Tggalt ar d tsvrt Turtit-ad n tlila Tggalt a sar tssugst Tutlayt n baba Bidd nn v imriri nna!

Add ur ttaçt! Ad ur tggat Afus nk irkan S uzmumg n taylgi N tdrfit inu Ad ur ttasit s vid Isuraf n iäir20 Isttvn akal inu

20 Tiïïlçi, tamkrazt n ignwan (foudre).

22

Ad iyi ur tçult alln

S ubluç n uçddim21

Tssirimt22 iyi abukä Hann yuda k yuda iyi Nkkin ass ad mzazalv D tifawin n tidt Macc ur d dark ad d-kkant Dar tmayyurt ad d-kkant Nkæni vid Ur a nenqqa itran Da ndrru tagziwin Ini dav Awd itran Wink ad gan!

Tiznit, juillet 2008.

21 Injustice. 22 Espérer.

23

Tisit n iägTisit n iägTisit n iägTisit n iägam m m m

Nãka iägam Izuzf içri f umarg Yasi yav ar ifri nv Tamurt n tfsut Tagldit n tayri Nsswa gis ijddign Nrcm gis v umlal Tavufi n tmdyazin Ar gis ttirirn ulawn S mad ur nnant tguriwin Ar nzïïa s twargiwin Iglitn23 n imal Nrça v iägam Max tgit marur? Max tgit tarula? Tsllat i tnddra gr içuran Tnnit tavlavalt n uçawan

23 Yan igli : unck lli d iglin içri, idir (horizon).

24

Tçrit angi n waïïan Tnnit timqqa n inçran Nkkusa iägam Iznçarn inu Imzwag Irça umuddu nnsn Gr tillas n ul nk Ur sul çäarv Amr a kk ttmnidv Ddaw ifssi n tassast Ar kkrzv tayri Ssntlv izmuln Rglv ifri nv F uãmmiä n taggugt Ar gis ttmatarv Ikttayn nv….

Paris, février 2008.

25

Kmmin yusin amaäal!Kmmin yusin amaäal!Kmmin yusin amaäal!Kmmin yusin amaäal!

Ma rad yara assav nm Ad ur yafuä Ku ass iv ar t rragn D izrfan nm Ma rad yara tudrt nm Da zuzzurn d waäu Taddum tqqar tär d Am agris igzzin ul nm Ar t tssat imik s imk S tmqqa n uggany Tadallit mu km ssmradn

Iriyn mu tzziäirt N ulåmaä amllaççu Da km issiwidn vas s tdakka ns Iv tsawlt tnnit Giv afgan! Tmunt d ifssi n tsgåin Tad mu km ka ifka uäar Tjdr am izmuççal Ar asa n wanu idran Ur tnjmt i tguäi d waïïan Ur tunft i ufran n ufgan Alulluy gr umlil d usggan Ku ass ar ttggat

26

Anvmis n tatut Invubu dis yafuä Uzgn n umaäal Man tutlayt as rad Nsuvl izrfan nm Ad asn frkn Ismgan n unlli ibgan Issavn tirrugza s umïïa nm Izddmn tammara nm Gin am i uswingm ifrgan Mäln am ussan Gr iqwirn n ifil Mmass a ultma mmass Had tifawin n wass Rad-d agåint f izmuln nm Mullint dim anfassay N tgallit irkukan Issumgn iman nm Tibäit d tinnuzva N imksawn n ibaäan Ara assav nm Ara tudrt nm

Ara amzruy nv S urv n ul nm S iskkiln n tlelli

Paris, décembre 2008

27

Isæla n tguriwin Isæla n tguriwin Isæla n tguriwin Isæla n tguriwin

Max iga yav unaruz Amallay abukaä Naggug nit tanzruft Max timitar n fad Max tawargit n igran Tasus v imndi Ilin ulawn v ufrdu Ar tn tmzzi tguäi Tavuyyit igzin içuran Islla umaäal i iggig ns Nnuäant v ifssi n ifran Zuzänt abrid s ul nk Max azkka nv trçit-t v iägam dik ur nddr Tikããaä n umuddu v tmktit Amud ur imvi ur imgr

28

Ifrd utrs v iwaliwn Gan imadavn n izlallayn Igigiln v tillas izaliwn Ijlan v iglitn yattuyn Uäan d v umuddu n ingaçn Aäu n tarut gr ifassn Ur yad mmutn s waggas nnsn Ur islla ul nk i usmammi nnsn

Paris, juin 2008.

29

Tamazirt inuTamazirt inuTamazirt inuTamazirt inu

Ur sul ssnv is rbiv

Alulluy n waäan

Ur sul ssnv is uålv

Tazlagt n isasan

Ur sul ssnv is gurziv

Stvev tizlit n itran

Ur sul ukzv tifras inu

Is lsant asirm imdan

Ur sul unniv içngign

Is iyi mgrn ussan

Ur sul syafav s uncuä

N twurga nu irkukan

Ur sul dulv s izmuççal

Is äfrn abrid iälan

Ur sul ktiv taddart inu

Is tt iãka umawal n umwan

Macc ass ad ssnv

Ssnv ur rad ttuv

A tamazirt inu

30

Is d tilila nm ad iånnan

Icrrign n uzwag inu yallan

Is d aåmmay nm ad irban

Asurf n ussan d ivaman

Is d akal nm av nn ççan

Asafar inu igguran

Paris, janvier 2008.

31

AmargAmargAmargAmarg

Nkkin Tamarayt n isuliln Kiyyin Amnay n ilaln Tayri nura tt S tguri d ssukfn iznçarn v umawal n tumrt Slulluynt ijawwan n tudrt Ar afatn n idrarn Akal n umarg war fad Lli nffav isgåasn ayad Tayri nrcm tt S unufl ittyagaln Gr taäãa d imïïawn Tiddi n yan uzmumg Ittpucn v ulawn Tayri nrrzf tt I usnti n umuddu v umiy n ilaln Isgldin f tasutin Sar igåiz ikaln Tayri nsdrf tt

32

v usarag lliv lluzzan Ikttayn irkukan Nzznza nn gis Iägam amagus Nsva d gis Taäfi n uslal Anza n imal

Paris, mars 2008.

33

Aåmmaä ann yaänAåmmaä ann yaänAåmmaä ann yaänAåmmaä ann yaän

Ur k unnin Iv a tkkrzt tiswak

S iäuäan Ur ak frkn Iv a ttpllilt s uzmumg Tavuyyit n laç Da yak ibrrin adan Ur dik llan tizi ttnvubu tffilla nk

Gr tiwwa n iä Ssutln ak itran

Afaggu n usmmiä Ig umïïa nk tissi

S ar sduhdun aäan nnsn

Usuf24 nk d ubukÄ nnsn Ammuärs N tifawin n wass

24 La solitude

34

v ugundu n inuraz Idammn n iqburn Amïïa n tazzanin As ak ttãkun Ddaw adida n ifssi Imal iflujjan I tmazirt nk

Agadir, août 2008.

35

Izlallayn n usurf Izlallayn n usurf Izlallayn n usurf Izlallayn n usurf

Tffi taylgi n urv

Ifssi n iggig n wawal

Tdl asif s usyya

Irgagi f waman indudi

Uswingm ann ijdrn

S ukttay n uncuä nk

Max gr iyi dik

Ar ittivzif ubrid

v uzïïa n iãiä

Nrçm i usttay

Annaz25 ur a ittannay

Nnan artum26!

Man azmz a rad fsiv

Sar lkmv walli riv

25 La chance 26 Destin

36

Azmz nssa tayri s tmqqa

Tusdadt lli gis yurun taäãa

Aåmnt d gis ulawn

Iwiz n tvufiwin

Max isti k umïïa

Tgt urar ig uzzal

Ad nn tççum aäan inu

Gr içngign d tawda

Rçin rufun v tmda

Gin iyi d invlan ayda

Ma rad isfaska s itran

A iyi tssdrf tguäi n uzwag

Ad k inn lkmv d tmqqa n inçran

Amarg içilliä nnig nk

Içri asaka s uduhdu

S ijli v uzmumg nk

N tansa d udvar

Awliwl ad ur trragt tiçiäar

Mqqar tëmit i uggany timuttal

Tiddi nk asmammi illuçn

37

Isdlfun ul ns ad nn gis iqqar

Tallast nv

alulluy n udrval

n umdlu n iä iälan

Gr tillawt nk d tinu

Isslsan insifaän

I usirm açrwal

Mad ufiv ngarav d usklu nu

Iãka uviluf ignna nu

Asurf asttiv v iglitn

Uraw-ad n twurga

Nkk d ul inu

Nrzzff ak tn..

Paris, avril 2009.

38

Izlan n unçar Izlan n unçar Izlan n unçar Izlan n unçar

kti d a yançar Izlan n tudrt Ttirirt iv ar d teïïart F iåzman n idrarn Lli yav d sul ivaman Timqqit s tmqqit As ar tslayt iskkiln N twngimin Iyi igudin f ul Tsvust aåmmay Iççln f ivd ikrmn Inivi n yat twargit Isfuruän27 f tifrt Timqqit s tmqqit As swant tguriwin taguäi n ifssi Arant f udm nk Aflujju n irafan

27 Ittfrfiän, ar ittmtat

39

Timqqit s tmqqit As ar nqqan v umaäal ad Ulawn n imdyazn Imurig n inirn Gin tarula Ng aggu Avanib v ufus n wiyyaä Ssngfn tamdyazt War tavwrit I urtum n uhiyyaä…

Paris, mai 2008.

40

Talatin Talatin Talatin Talatin

Tzuçä ad tanf i imnaën n talatin Tg tannkfrt28 n tudrt Ityagaln v tifrt n utbir

Tzuçä ad tfsi d tagziwin Ittals ill i ijarifn Tizi ttnvubu Tafukt n tiwwudc Mrad is tufa

Ad ttaç tamayyurt

Iv ar itnuddum iä Ddaw aïïan ns Taåm d asunfu n umarg Gr tifras ns Tssns nn gisnt asrvu n tvufi iktin v tzïwin ns

28 Promesse

41

Mrad is as ur Ttmmrkasn izmuççal Aæln as f iswingimn Ittulluyn gr targanin Mrad Ikut Is rad ilal Ass ann lli rad tettu Tugmimt n tumrt Lli f as iggal Ass lli rad sul ur ttalm Ifrkkan n isæla ns Tibratin n ul ns Ifalan n tudrt ns Ass lli rad tmyadas29 d ufra v twrrayt30 n tmttant

Islumn içuzuän ns Islumn itrsan ns Tnvubu d uklalu N wayyur infrn31 S ursÄ n tmktit ns…

Paris, décembre 2009.

29 Tmyaçç 30 Cercle 31 Souillé

42

Ass ann…Ass ann…Ass ann…Ass ann…

Ass ann Ass war anaw Yan ifili n uzmz Av nnzwin iælan Ssilin km id a tumrt S tagåatin Ass ann… Nnucgn ulawn Ivmu uzwu aduhdu äfrn Akud ann açrwal War assav… adrval Ar tiwwa n tmçla Ma innan tawargit Rad giv tussr? Ma yufa umarg Ass ann Ar ismrara tiguriwin Kjjrnt32 nn Ddaw targagit

32 Kjjr : se raidir.

43

Zuçänt abddad Umnid ns! Ass ann… Mad-d çman ignwan D isafarn n itran Kcmn s tmqqa Gr içuran Frurint tiggas ssntant Amuddu igguran Ass ann… Mad-d uåmn wagiwn D ikttayn d-ilsan Asurf n tudrt Zugn izmuççal mlallin Ikrrn asklu n unlli Ar imriri n unufl Ass ann... Ass yiwl uvlul33 tayri Arun av Yamu yav akæ Upbu n itran…

Agadir, juillet 2009.

33 Eternité.

44

AfAfAfAffa n usagåmfa n usagåmfa n usagåmfa n usagåm

Tummnda n uzëu As näuf izlan n iä Ittwargan s tdrfit Ad ur afuän tafuä Am imjlan Izgarn i tudrt Fsin d tvuyyit Ad ur sslkamn Inçran izgåavn I tfsut taqburt Yav isdusn asklu Yav yurun iwaliwn Ad av sul ajjin Kra v ifalan n uzmz Nssukf asn askiwn Ad tvli tafukt Ad sul ur nttbbi s umïïa Tafkka yad ikrmn N twargit nv

Paris, février 2009.

45

Nkkin d tiggas inuNkkin d tiggas inuNkkin d tiggas inuNkkin d tiggas inu

valv Is ænt zznziv A tiggas inu

I ubukä n ussan

Taäumt d Tgimt i tansa nu

Iwtta imuäan Ul ad anafal Imatr ditunt Imriri n tarut Inna iælan Inna urtan Ival is innal

Turrut n umaäal Tnfimt as imal Rbuv Tummaçt ns n ixsan Ar t smkililv Nslv d iæfsan N ivrban n umzruy Tmdi yav taylgi Tssfrs iãiä

46

Tjdr tafukt

Timdyazin n iä Tznçrmt a tiggas I tfugla n tguäi Nffav azmz…

Agadir, août 2009.

47

AsAsAsAswingm anabaywingm anabaywingm anabaywingm anabay

Asayrur f a nttaywal Ad av iswan Tarula s mani Yaggug bdda ubrid S upbu n tafukt Yav ilupn f tsgåin N tiswak n mççiy Urta ikka uäar Aduhdu s wayyaä Ar nttrwal s twlafin Iëmin aslili34 Nsrs ixfawn f umalu Namç tasga n twargit Urta ijdr umuddu Ma rad ig imal N yan iran abddad F tfdnin n ukärur Ivawl aswingm anabay

34 Lavage.

48

Ur yumi ignna Iæfsan n urfufn As rad nvus Ng imkkasan n umzruy Da d izwarn amzruy

Paris, février 2009.

49

Gr iGr iGr iGr iyi dikyi dikyi dikyi dik

Gr iyi dik Taçuri insan N twlaft ann vwman izmuln Tizi mmrwin iælan Xmjn35 ifssi n tusdadt Lli yav gis ismunn Gr iyi dik Tiçrmin n ikttayn Illugman Invuban d umalu v talatin n usagåm Tarçgi Issigsn ajjig nv Urta t ççan iäuäan Gr iyi dik Tisiwav36 n iägam Isslmadn Tawada n uglulu

35 Xbcn (griffer). 36 Obstacles

50

S isuraf n usirm Tsvar tafukt n unbdu Gr iyi dik Alluzzu N urar n targanin Ddaw iqwirn n tmktit Urar yav islumn Ccän gis ulawn D umïïa n tsamfunit Gr iyi dik Izlan n tmdyazin Ikkrkän S ubuvlu n invlan Akfay n twargiwin Ad tnt isgusman Gr iyi dik Tallast Tar assav Izrirign n yan umiy Iluln v tdiklt n irafan Urta t tåmmi tudrt Urta t yuls yan.. Tiznit, août 2009.

51

InvlanInvlanInvlanInvlan

Afgan Taåmat tasus

Mad as issilin tismmi Ismd as tisgni Igli-tt ar asmäl

Ipuc gis I tmttant ns

Afgan

Tiddukkla tbri v uzrg n tnafut

Tzri Ar ttikrir s waïïan Tidmi ittamumn v uqccab irkukan

Tsri

Afgan Tayri trba

Asirm ixsin Tga imil urar n tillawt

Aåln as tarçgi Bikksn as s tndra Ssngfn tt i unvubu Tg i tkndawt takna

52

Afgan

Mad tgam? Timqqa n tidt Tugt n “irwas”

Agufsu ar avurmi Imndi n tkrkas

Afgan

Ar anva n tillas Av ad ttarsm tiddas

Ssudunt tiwrvi n uzmumg Sfalkint tifras

Nval is av tram Ng nn tuggas

Immi urta d lulv

Lliv am sul v usirw Akud nna d lulv Satl iyi a immi

S tayriwin n itran pawlilla inu tidiklt n wayyur

Asglf yattuyn F ijawan n ufgan

Paris- janvier 2009

53

Insifaän Insifaän Insifaän Insifaän

Tizi mälv tawlaft nk v uncuä igguran n iä Av a tsdlfu tallast nk Ikçuçn s iskraf Tnna tvawl ul Asglf ns amvlul Ur t sul igi! Izwa iqqar zund Açru n gar annaz Awd kiyyin Ur sul tgit Ayyur ns! Issntl k uvanim Ass d yavul umwan S usagur n wamud N uwliwl37 Ittawnn Gr udrar nk d uzavar inu Tuççumt n iä ad Ar ttnnzwaym

37 Solitude.

54

v udis n insifaän Ar æn id tettaru Taylgi n tatut Tffavm ul inu Mqqar ivzzif urmmaä! Rad nbdd Nsfruri azmz Ng iåmäan N uglulu ns amvlul Ivama yak d Ukärur N wassav inu Tazuvi n ignwan S takat n umiyn Tagldit nv ijlan Kkusuv nkkin Taäuri n itran Talalit n izlan F ilm n tiggas Asnti n tmqqa N tdrfit..

Paris, octobre 2009.

55

Tudrt inu.. tinm!Tudrt inu.. tinm!Tudrt inu.. tinm!Tudrt inu.. tinm!

Rad km ttiniv S ijiwwi s iggig s itran

S udrar s tuga s inçran S akæ mad yaggugn gr tswak n tssumga Tasutin n uvzu Rad km ttarav S umarg açrwal S usirm38 azgzaw S unufl awrav S umïïa azgåav S akæ initn39 d inuraz

Da ur tssnäar tafukt Ra km ttiriv Ar tamiwin n fad Ddrv km ar tarnnawt

S ingaçn d urmmaä Issnfadn tudrt S tvuyyit n tnnufra40

38 Anaruz (espoir) 39 Iklan, iv

wman (couleurs).

56

Ar d aruv Arraw nm d winu Mad ittinin azkka S ugrä n tifawin Amaziv ad giv!

Paris, octobre 2007.

40 Arbbu, irw (accouchement).

57

IsttiIsttiIsttiIsttivvvvnnnn

Urta syafav Is d ku iä ar d tlalav Gr turawin n usirm Iv iwra41 umaäal Ig umya nu mççiyn Tizlit isaddum iwriv Tvama d kiyyin Ar iyi ttmnid Targagit inu tmatr Isufa nk ifdaddin F igli da ittasusn Iv tngarat d uswingm inu Igli d ismdn awwujdu42 Uncuä ns n umttin43 Ar iyi d ittrus F ignzi n iman Urta syafav Gr unlli d unlli Tuzlin msadnin Issukufn tudrt

41 ixwa 42 Errance 43 Walli immutn (mort).

58

Isvwritn I täuri nu Urta syafav Is iyi turit S uvanib n uviluf N uzwag izwarn Ur sul giv amr Asagur n titrit Irban v usmmaql Iqwirn n umïïa igrsn Igrru utbir umlil Zund adfl iddaln Tivssiwin44 n inavan v igran n imnvi Urta syafav Is si ur tsyafat Manza k Manza iyi Had tiggas inu Ml iyi tink…

Paris, septembre 2009

44 Yat tvssa (ossature).

59

Sommaire Tarragt n twurga 7

Aviluf n udrar 9

Aqqayn n izuçuän 12

Man tudrt ? 15

Ifil 17

Atrs nusi t 18

Aggu d trufin ns 21

Tisit n iägam 23

Kmmin yusin amaäal 25

Isæla n tguriwin 27

Tamazirt inu 29

Amarg 31

Aåmmaä ann yaän 33

Izlallayn n usurf 35

Izlan n unçar 38

Talatin 40

Ass ann 42

Affa n usagåm 44

Nkkin d tiggas inu 45

Aswingm anabay 47

Gr iyi dik 49

60

Invlan 51

Insifaän 53

Tudrt inu…tinm 55

Isttivn 57

Dépôt légal: 2010 MO 1325

Conception : Aziza Nafia.

Imprimerie: Al Aqlam – Agadir.

1èreEdition: 2010