1 les croyances islamiques ddeeeenn eett ssoo ... et so...4 les croyances islamiques - par mufti...
Post on 07-Apr-2018
241 Views
Preview:
TRANSCRIPT
1 Les Croyances Islamiques -
Par Mufti M.R.Meerun
C/o Jamiat-ul-Ulama - Cnr Sumatra & Penang Street - Port-Louis Tel : 240-0439
DDEEEENN EETT SSOO SSIIGGNNIIFFIICCAATTIIOONN
Deen veut dire mode de vie.
Ena plusieurs mode de vie - mais la mode de vie ki acceptable et valable auprès d‟Allah
ta‟ala c‟est la mode de vie ki Allah ta‟ala fine révélé et ki so Nabi (Prophète) Hazrat
Mouhammad () fine enseigné. Ça mode de vie-là appelle Al-Islaam.
“… ”Traduction:
“Certainement Deen (mode de vie) ki acceptable auprès d‟Allah c‟est Al-Islaam …”
(V19/S3)
“ ”
Traduction:
“Et celui ki cherche ène Deen (mode de vie) autre que L‟Islaam, alors ça pas pour être
accepté de so part, et dans Aakhirat (l‟au-delà) li pour parmi banne perdants.” (V85/S3)
MUSULMAN/MOUSLIM/MOU’MINE
Celui ki accepté ça mode de vie ki appelle Al-Islaam, appelle li musulman ou mouslim ou
bien mou‟mine. C‟est ène titre ki chaque être humain gagné quand li accepté Deen Al-Islaam
comme so mode de vie indépendamment de so race et so couleur.
LES 5 PILLIERS DE L’ISLAAM
L‟édifice de l‟Islaam li repose lors 5 piliers ki nou nous appelle les 5 piliers fondamentaux de
l‟Islaam:
(1) Al-Imaan,
(2) As-Swalaah,
(3) Az-Zakaah,
(4) As-Sawm et
(5) Al-Hajj.
“L’Islaam li fondé lor 5 kitchoses:
1. Témoigné ki pena aukene Ilaah (Dieu - celui ki mérite adoration) apart Allah et ki
(Hazrat) Mouhammad () li Allah so envoyé,
2. Etablir namaaz,
3. Donne zakaat,
4. Faire hajj de Baitoul-laah (la maison d’Allah) et
5. Garde roza de Ramadwaan” (Boukhari/Mouslim).
IMAAN C’EST QUOI?
2 Les Croyances Islamiques -
Par Mufti M.R.Meerun
C/o Jamiat-ul-Ulama - Cnr Sumatra & Penang Street - Port-Louis Tel : 240-0439
Imaan veut dire croyance - Islamiquement parlant, Imaan signifié croire sincèrement dans la
totalité du message apporté par Nabi () depi Allah ta‟ala.
Le message apporté par Nabi () comprend plusieurs items. Li indispensable pour ène
mou‟mine (croyant) pour croire dans tout ça banne items-là.
Ça banne items-là zotte comme suit:
1. Imaan dans Allah,
2. Imaan dans bannes malaa-ikah (anges),
3. Imaan dans tout banne livres,
4. Imaan dans tout bannes messagers,
5. Imaan dans le dernier jour du jugement,
6. Imaan dans le destin et
Traduction: “O banne ki fine amène imaan! Croire dans Allah, dans so Rassoul (envoyé),
dans le livre ki li fine révélé petit à petit lors so messager et le livre ki li fine révélé
auparavant. Et celui ki refuse croire dans Allah, so banne Anges, so bannes livres, so
bannes messagers et le dernier jour, alors pena doute li fine dévié bien loin.” (V136/S4).
Traduction:
(Imaan) c’est ki ou croire dans Allah, dans so banne anges, dans so banne livres, dans so
banne messagers, dans le dernier jour et ki ou croire dans le destin - ki li soit bon ou
mauvais.” (Mouslim).
- Imaan (croyance) dans Allah
La croyance dans Allah ta‟ala li implique ki accepter Allah Ta‟ala UNIQUE dans so
(nature) et dans so (attributs). Li tout seul mérite adoration. C‟est li même le créateur
suprême ki fine crée tout.
Traduction:
“Et li fine crée tout kitchoses…” (V101/S6)
Traduction:
3 Les Croyances Islamiques -
Par Mufti M.R.Meerun
C/o Jamiat-ul-Ulama - Cnr Sumatra & Penang Street - Port-Louis Tel : 240-0439
“Voila c‟est Allah ki zotte Rabb (maitre) - Pena aukene “Ilaah” (dieu - être ki mérite
adoration apart, li, le créateur de tout kitchoses ; donc adore li - Et li garant lor tout
kitchoses.” (V102/S6)
Traduction:
“Est ce ki ena kit créateur apart Allah ki donne zotte nourriture depuis dans le ciel et dans
la terre …” (V3/S35).
Traduction:
“Est ce ki celui ki capave crée li pareil couma celui ki pas capave crée ...” (V17/S16)
Allah Li Qadeem ( ):-
veut dire ène être ki existé par li même depi tout le temps, jamais li fine arrête existé et
ki pour continué existé juska tout le temps. Tout kitchose apart li et .
et signifié ène kitchose ki pas ti existé mais ki fine vine en existence après - pas
par li même mais par ène ki fine donne li l‟existence et li capave arrête existé à n‟importe
quand.
Tout kitchose apart Allah ta‟ala li et - C‟est seulement Allah ta‟ala tout seul ki
.
Allah li unique et inégal
Allah ta‟ala li unique dans so (nature) et dans so (attributs).
Traduction:
“Dire: Allah li unique - Allah li Indépendant - Ni li fine enfanté ni li fine prend naissance
de quelqu‟un - Pena personne ki dans so calibre.” (S112)
… …
Traduction:
4 Les Croyances Islamiques -
Par Mufti M.R.Meerun
C/o Jamiat-ul-Ulama - Cnr Sumatra & Penang Street - Port-Louis Tel : 240-0439
“… Pena narien couma li …” (V11/S42)
Allah ta’ala ena capacité lor tout kitchose
Traduction:
“Certainement Allah ena pouvoir lor tout kitchose.” (S2/V20)
Traduction:
“Pena narien dans le ciel ni lor la terre ki capave rende Allah impuissant puisque li
„Aleem (ki conne tout) et Qadeer (ki ena pouvoir lor tout kitchose).” (V44/S35)
Allah li conne tout et li partout. Li tout seul ki conne tout et li tout seul li partout.
Traduction:
“(Allah) Li conne tout ceki rente dans la terre et tout ceki sorti depi la terre, tout ceki
descende depi le ciel et tout ceki monté dans le ciel. Et li ensemble avec ou cote ou été -
Allah pé guette tout ceki ou pé faire.” (V4/S57)
Traduction:
“(Allah) Li le connaisseur de l‟invisible - Ene dernier atome aussi dans le ciel ou dans la
terre pas cachiette de li - pena pli petit ou pli grand ki ça ki pas trouve dans ène livre
sacrée.”(V3/S34)
Traduction: “Certainement pena narien dans la terre ou dans le ciel ki cachiette de Allah.
(V5/S3)
Imaan dans banne Ambiyaa (prophètes)
Nabi (pluriel - Ambiyaa) c‟est ène personne ki Allah Ta‟ala fine choisir pour transmettre so
message à l‟humanité. Le premier Nabi c‟est Hazrat Adam () et le dernier Nabi c‟est nou
Nabi Hazrat Mouhammad (). Après Hazrat Adam () et avant Hazrat Mouhammad (),
Allah Ta‟ala finne envoye plusieurs prophètes dans différents l‟époque couma Hazrat Nouh
5 Les Croyances Islamiques -
Par Mufti M.R.Meerun
C/o Jamiat-ul-Ulama - Cnr Sumatra & Penang Street - Port-Louis Tel : 240-0439
(), Hazrat Ibrahim (), Hazrat Ismail (), Hazrat Yaqoub (), Hazrat Yousouf (),
Hazrat Moussa (), Hazrat Dawood () et Hazrat Issa ().
Pou être ène “Mou‟mine” (croyant), nou bizin croire dans “Noubouw-wah” (prophétie) de
tous banne prophètes ki Allah Ta‟ala fine envoyé. Refuse accepté même ène Nabi aussi
comme Nabi, c‟est kufr ki signifié le rejet de Imaan. Conséquemment la personne nepli reste
Mou‟mine.
Croire dans la prophétie de tous banne prophètes pas veut dire ki nou bizin suive zotte
Shari‟ah parce ki tous banne Shari‟ah fine cancel (abrogé) par Shari‟ah du dernier prophète
Hazrat Mouhammad (). Donc bizin accepté tous mais suive seulement Shari‟ah du dernier
prophète Hazrat Mouhammad ().
LE NOMBRE EXACTE DE BANNE PROPHETES
C‟est seulement Allah Ta‟ala même ki conne le nombre exacte de bannes prophètes ki li fine
envoyé. Ena ène Hadice ki mentionne le nombre de 124,000 prophètes. Mais li pas assez
solide pour capave soutenir ène sujet ki ena trait à „Aqeedah. Acoze ça, comme précaution
bizin croire dans tous les prophètes sans précise ène nombre exacte - dans banne prophètes ki
nous conné et aussi dans banne prophètes ki nous pas conné aussi.
NOUBOUWWAH – ENE CADEAU ALLAH TA’ALAH
Perna aukene cours pour suive pour vine ène Nabi parceki li pas ène degré ki capave être
ackis par banne z‟efforts personnels. C‟est ène don ki Allah Ta‟ala accordé a celui ki li oulé.
ISMAT-UL-AMBIYAA
Ismat-ul-Ambiyaa signifié l‟état d‟être innocent et d‟être protégé de tous banne péchés.
Allah Ta‟ala fine protége tous banne Prophètes de toute sorte de péché. C‟est à dire ène
prophète jamais capave faire ène kikchose avec ène l‟intention pour désobéir Allah Ta‟ala.
C‟est seulement banne Ambiyaa (prophètes) ki “ ” protégé. Apart banne Nabi
personne pas “ ”.
LA FINALITE DE LA PROPHETIE
Le premier prophète c‟est Hazrat Adam () et le dernier et plus grand prophète c‟est Nabi
Hazrat Mouhammad (). La prophétie fine terminé lors Nabi Hazrat Mouhammad (). Perna
personne ki fine gagne la prophétie après Hazrat Mouhammad () ni ena kikene ki pour vine
Nabi dans l‟avenir juska Qiyaamat.
Pour être Mou‟mine, nou bizin accepté ki pena personne ki fine gagné la prophétie ni kikene
pou gagne li après Hazrat Mouhammad (). Banne ki accepté kikene comme Nabi après
Hazrat Mouhammad () - couma banne Qadiani, zotte pas Mou‟mine; zotte kaafir.
Traduction: “…Pena aukene nabi ki pou vini après moi…” (Boukhari)
6 Les Croyances Islamiques -
Par Mufti M.R.Meerun
C/o Jamiat-ul-Ulama - Cnr Sumatra & Penang Street - Port-Louis Tel : 240-0439
CROIRE DANS BANNE LIVRES
Croire dans banne livres signifié ki nou bizin croire et accepté ki Allah Ta‟ala fine révèle
plusieurs livres lor différents prophètes. Croire dans banne livres auparavant pas veut dire
bizin suive ou gagne droit suive ça banne livres là - parceki ça banne livres là fine être
manipulé et falsifié. Donc nous bizin accepté et croire ki ti ena banne livres ki Allah Ta‟ala ti
descende lors banne prophètes auparavant sans rentre dans les détails.
Ena 4 livres ki bien connu là-dans:
(1) Tauraah ki ti descend lors Hazrat Moussa (),
(2) Zabour ki ti descend lors Hazrat Dawood (),
(3) Injeel ki ti descend lors Hazrat Issa () et
(4) Qour'aan-e-Kareem ki fine descend lors Hazrat Mouhammad ().
QOUR'AAN-E-KAREEM LE DERNIER MESSAGE DIVIN
Qour'aan-e-Kareem c‟est le dernier message d‟Allah Ta‟ala. C‟est ça même message et ça
même livre ki applicable et ki pour reste en vigueur juska Qiyaamah. C‟est pour cela, Allah
Ta‟ala fine prend la responsabilité pour préserve li conte toute fausseté et manipulation:
Traduction:
“C‟est nous même ki fine révèle le “zikr” (rappel ki en forme Qour'aan) et c‟est nous
même ki pou préserve li.” (V9/S15)
Aukene livre apart Qour'aan-e-Kareem pas fine gagne la garantie pour être préservé et
protégé. Seul Qour'aan-e-Kareem ki encore existé couma li ti révélé 1400 ans auparavant.
Pour être Mou‟mine, nou bizin accepté ceki ena dans Qour'aan dans so totalité. Le rejet de
ène ti morceau aussi signifié le rejet de Qour'aan ki conséquemment entraîne vers Kufr.
CROIRE DANS BANNE ANGES
Malaa-ikah (pluriel de malak) ki signifié Anges/Farishta fine être crée avec noor (lumière).
Traduction:
“Banne anges fine être crée avec noor…” (Mouslim).
Banne Malaa-ikah pas mangé, pas boire et zotte pas ena le désir sexuel. Perna la
désobéissance dans zotte.
…
Traduction:
“Zotte pas désobéir Allah dans l‟ordre ki li donne zotte et zotte exécute tout ceki zotte être
ordonné.”(V6/S66).
7 Les Croyances Islamiques -
Par Mufti M.R.Meerun
C/o Jamiat-ul-Ulama - Cnr Sumatra & Penang Street - Port-Louis Tel : 240-0439
Traduction:
“Et banne ki auprès de li (Allah), zotte pas lève néné de so ibaadat ni zotte fatigué- Zotte
faire tasbeeh (glorifié Allah) nuit et jour sans ki zotte arrêté.” (V19-20/S21)
Le nombre exact de banne Malaa-ikah li inconnu. Allah Ta‟ala fine crée beaucoup Malaa-
ikah. Chakene ena so travail et so mission.
Ena 4 ki pli renommé:-
(1) Hazrat Jibril (), ki ti responsable transmette le message à banne prophètes.
(2) Hazrat Mikaail () ki responsable pour distribué nourriture et faire la pluie tombé par
l‟ordre Allah Ta‟ala.
(3) Hazrat Izraail () ki responsable pour tire la vie.
(4) Hazrat Israafil () ki pou souffler trompette le jour de Qiyaamah pour annonce la fin du
monde.
CROIRE DANS LE DERNIER JOUR
Croire dans dernier jour veut dire croire dans ène jour à cote ena pour rende compte devant
Allah Ta‟ala pou tout ceki nou fine faire dans sa monde là.
Ce jour-là li appelle
Traduction:
“O banne ki ena Imaan! Peur Allah et chaque âme bizin guetté ceki li fine réserve pour
demain et peur Allah parceki certainement Allah li au courant de ceki ou pé faire.”
(V18/S59).
CROIRE DANS DESTIN
Le sujet de destin c‟est ène kikchose bien délicat et très sensible. Faudrait pas essaye pour
comprend li parceki li très compliqué. Rassouloullah () fine empêche so banne Sahaba-e-
Kiraam () discute destin. Li sufi pour croire ki tout ceki fine arrivé et tout ceki pou arrive,
li ti déjà dans connaissance Allah Ta‟ala avant li arrivé. Nous l‟esprit li trop faible pour
comprend ène kikchose aussi compliqué. Li dans nous l‟avantage pour croire simplement
tout ceki arrivé, li arrive de coté Allah Ta‟ala.
Traduction:
8 Les Croyances Islamiques -
Par Mufti M.R.Meerun
C/o Jamiat-ul-Ulama - Cnr Sumatra & Penang Street - Port-Louis Tel : 240-0439
“Et tout kitchose ki tipti et grand fine déjà fini écrire.” (V53/S54)
NABI ET MOU'JIZAH Noubouwwah ou la prophétie c‟est ene don spécial de la part Allah Ta‟ala. C‟est ene grade et
degrés ki ene personne pas capave acquérir par so z‟efforts - Allah Ta‟ala accorde ça don-là
à celui ki li oulé.
Traduction:
“...Allah même conne mieux cote li envoye so message …"(S6/V124)
La personne ki Allah Ta‟ala accorde li ça don spécial de Nabouwwah-là, appelle li Nabi.
Pou prouve la prophétie et Noubouwwah ene Nabi, Allah Ta‟ala faire banne kitchose de
miracle manifesté par li. Ça miracle-là appelle (Mou‟jizah).
MIRACLE DE HAZRAT IBRAHIM Banne kafir ti jette Hazrat Ibrahim dans du feu. Mais ça du feu-là au lieu brûlé, fine vine
frais pou Hazrat Ibrahim . (S21/V69)
MIRACLE DE HAZRAT MOUSSA
Hazrat Moussa fine tappe so bâton lors ene roche et par l‟ordre Allah Ta‟ala 12 la source
de l‟eau fine sorti. (S2/V60)
Quand Hazrat Moussa ti pé jette so bâton lors la terre, ça ti pé transformé en ene gros
serpent. (S7/V107)
Coumsa même Allah Ta‟ala ti sauve Hazrat Moussa et so peuple de Pharaon quand li ti
suive zotte avec so l‟armée. Hazrat Moussa et so peuple fine arrive dans ene l‟endroit
cote zotte fine trouve zotte devant ene grand la rivière et par derrière zotte Pharaon et so
l‟armée ki ti pé suive zotte. Allah Ta‟ala fine avance de l‟eau la rivière-là les deux cotés et
fine faire ene passage sec pour zotte traversé. Quand Pharaon avec so l‟armée fine rentre
dans ça passage-là, de l‟eau la rivière fine joine et fine noye zotte. Hazrat Moussa et so
peuple fine traversé et fine arrive l‟autre coté sain et sauf. (S2/V50), (S10/V90) et (S20/V77-
78)
MIRACLE HAZRAT ISSA
Hazrat Issa tipé souffler la vie dans z‟oiseau ki faire avec la terre par l‟ordre Allah
Ta‟ala. Li ti pé guéri banne ki ti aveugle de naissance et banne lépreux. Et li ti pé faire
dimoune mort revivre. Li ti pé informe banne dimoune ceki zotte fine mangé et ceki zotte
fine gardé dans la caze. (S3/V49)
MIRACLE DE NOU NABI HAZRAT MOUHAMMAD Qour'aan-e-Kareem
Le message ki nou Nabi fine gagné de cote Allah Ta‟ala en forme de Qour‟aan-e-Kareem,
c‟est le plus grand miracle. C‟est ene livre ki personne pas fine capave présente ene ti
morceau aussi couma li.
9 Les Croyances Islamiques -
Par Mufti M.R.Meerun
C/o Jamiat-ul-Ulama - Cnr Sumatra & Penang Street - Port-Louis Tel : 240-0439
] [
] [ Traduction:
“Si ou ena doute concernant ceki nou fine révélé lors nou serviteur, alors amene ene
sourah (chapitre) pareil couma li et appelle ou banne alliés ki ou ena apart Allah si
zotte lors la verité. Si zotte pas capave faire li et (d‟ailleurs) jamais zotte pou capave
faire li; alors peur ça du feu ki so carburant pou banne dimoune et banne roches - ça
du feu-là fine réservé pour banne kaafir.” (S2/V23-24)
(SHAQQOUL-QAMAR)
Shaqqoul-Qamar aussi li ene “Mou‟jizah” (miracle) de nou Nabi ki signifié fane la lune.
Lors requête banne kaafir, Rassouloullah ti fane la lune en deux par signe le doigt. WALl ET KARAAMAT
Ene wali c‟est ene personne ki (Mouttaqi - celui ki ena taqwa et la piété).
Traduction:
"… So banne wali (camarade) c‟est seulement banne ki Mouttaqui … (S8/V34)
KI VEUT DIRE (MOUTTAQUI)?
C‟est ene personne ki ena (taqwa). Taqwa signifié la frayeur d‟Allah Ta‟ala.
Quand ene personne ena taqwa (la frayeur) pou Allah Ta‟ala, li obéir li dans tous so banne
l‟ordre et li reste loin de tous banne kitchoses ki li fine empêché faire. Ene personne ki garde
li dans l‟obéissance Allah Ta‟ala appelle li et ça qualité personne-là même appelle
Wali. Ene miracle ki manifesté lors la main ene Wali appelle karaamat.
MOU’JIZAH ET KARAAMAT
Dans le but pou prouve la véracité de banne prophètes, Allah Ta‟ala faire zotte faire banne
kikchose super naturelles, miraculeux et extraordinaire. Ça banne kikchoses-là appelle
Mou‟jizah - couma Hazrat Ibrahim pas ti brûlé dans du feu, Hazrat Moussa so baton
tipé vine ene serpent quand li ti pé jette li en bas, Hazrat „Issa tipé faire banne dimoune
mort revive par l‟ordre Allah Ta‟ala, Rassouloullah ti casse la lune en deux, dans ene ti bol
du lait ene quantité dimoune fine boire et fine resté, banne z‟arbres et banne roches ti pé faire
Rassouloullah salaam etc …
Karaamat
10 Les Croyances Islamiques -
Par Mufti M.R.Meerun
C/o Jamiat-ul-Ulama - Cnr Sumatra & Penang Street - Port-Louis Tel : 240-0439
Couma Mou‟jizah, Karaamat aussi li ene kikchose ki tout à fait vrai et li existé. Kikchose
super naturelles ki manifesté de la part ene Nabi appelle li Mou‟jizah et kikchose super
naturelles ki manifesté de la part ene Wali (personnage pieux et proche avec Allah) appelle
Karaamat.
Ene Wali c‟est quelqu‟un ki reste dans l‟obéissance total d‟Allah Ta‟ala. Reste dans
l‟obéissance d‟Allah Ta‟ala veut dire exécute l‟ordre Allah Ta‟ala et abstenir de banne
kikchose ki li empêché en conformité avec le Moubaarak Tareeqa et principe de nous bien
aimé Nabi Hazrat Mouhammad . Ene personne ki casse la loi Allah Ta‟ala ou soit ki pas
suive Sounnat de Nabi-e-Kareem pas capave être ene Wali. Ene Wali so Wilaayat (état
d‟être Wali) li progressé en fonction du progrès dans Deen. Le progrès dans Deen trouve
dans exécute commandements Allah Ta‟ala en suivant le principe de Rassouloullah . Donc
ene personne ki na perna ça dans li, li pas ene Wali. Et conséquemment bannes miracles ki li
faire pas capave être qualifié comme Karaamat. Celui ki écrase so nafs pou faire plaisir Allah
Ta‟ala, li même pli grand Mouttaqui et Wali.
Banne miracles de la part banne personnes ki perna Deen ou banne ki pas pratiquant appelle
Istid-raaj. Donc banne miracles ki Dajjaal pou montré, loin d‟être Mou‟jizah ou bien
Karaamat, c‟est plutôt Istid-raaj et ene genre de manipulation satanique. Donc ici c‟est la
piété ki justifié le miracle, pas vice versa. C‟est à dire miracle pas justifié la piété ene
personne.
Karaamat pas nécessaire pou ene Wali. C‟est à dire qui ene Wali li capave reste ene Wali
sans kikchose super naturelles manifesté lors so la main. Ene Wali pas nécessaire faire
miracle. So pli grand miracle c‟est so stricte adhérence à Kitaboullah (livre d‟Allah) et
sounnah de Rassouloullah . So wilaayat trouve dans Istiqaamat (stabilité) lors Deen.
Beaucoup personnages parmi banne Sahaaba-e-Kiraam, banne tabe‟ines et dans l‟oummah
tout banne ki fine amene zotte la vie d‟après Rassouloullah so Tareeqah, Allah Ta‟ala fine
honore zotte par banne miracles (Karaamat). Banne livres lors Deen zotte inondés de banne
exemples pareil ki pas laisse aukene la porte ouvert pou banne dissidents.
Li bon nous guette ene des exemples:
Karaamat Hazrat Maryam („alayhas-salaam)
Allah Ta‟ala dire:-
“... A chaque fois ki Hazrat Zakariyya () ti pé rente cote li (Maryam) dans Mehraab, li
ti pé trouve nourriture cote li. Li fine dimandé: O Maryam cote to fine gagne ça? Li
(Maryam) fine dire: ça li depi cotte Allah …” (S3 V37)
Selon banne livres de Tafseer, Hazrat Zakariyya ti gagne la responsabilité occupe Hazrat
Maryam („alayhas-salaam) après so naissance quand li ti encore ene ti bébé. Hazrat
Zakariyya ti garde Hazrat Maryam („alayhas-salaam) dans ene l‟endroit bien renfermé
cote personne pas ti pé gagne l‟accès excepté Hazrat Zakariyya . Malgré ça quand li ti pé
rente cote li, li ti trouvé ki ena banne fruits cote li et ça aussi banne fruits contre saison.
C‟était par miracle ki Allah Ta‟ala ti pé accorde Hazrat Maryam („alayhas-salaam) sa banne
fruits là. Donc c‟était ene Karaamat pou Hazrat Maryam („alayhas-salaam).
11 Les Croyances Islamiques -
Par Mufti M.R.Meerun
C/o Jamiat-ul-Ulama - Cnr Sumatra & Penang Street - Port-Louis Tel : 240-0439
Karaamat Hazrat Ousayd Bin Houdwair et Hazrat „Abbaad Bin Bishr
Selon ene hadice rapporté par Hazrat Anas , deux compagnons de Rassouloullah
nommé Hazrat Ousayd Bin Houdwair et Hazrat „Abbaad Bin Bishr fine reste juska tard
dans la nuit avec Rassouloullah . “zotte fine sorti dans noir depi cote Rassouloullah
avec ene nour (lumiere) couma l’espèce deux la lampes ti pé éclairé devant zotte. Quand
zotte fine séparé, chakene parmi zotte fine ena ene la lampe avec li juska ki chakenefine
retourne chez li”. (Boukhari/Mouswannaf „Abdur-Razzaaq)
„Allaamah Badrouddeen Al-„Aïni (rahmatoullaahi „alayh) dans so commentaire
„Oumdatul-Qari lors Boukhari Shareef fine rapporte depi plusieurs Sahaba-e-Kiraam
(radwiyallaahou „anhoum) ki zotte fine témoigne banne Karaamat (miracles) similaires en
retournant depi cote Nabi-e-Kareem .
A part ça, „Allaamah Badrouddeen (rahmatoullaahi „alayh) fine rapporte ene anecdote
pareille ki fine arrive so Sheikh; Sheikh Hassaan-ud-Deen Ar-Rahaawi et ki fine témoigné
par ene groupe de so banne zélèves. C'est-à-dire selon ça anecdote-là, en retournant depi ene
invitation dans ene la nuit ki ti faire bien noir, deux nours (lumière) couma deux la lampe ti
pé éclaire chemin de Sheikh Hassaan-ud-deen juska ki li fine rente so la caze. („Oumtadul-
Qari - commentaire Boukhari)
Selon ene hadice rapporté dans Boukhari shareef, Hazrat „Abdoullah Bin Mas‟oud dire
ki nou ti pé tanne nourriture faire tasbeeh pendant ki li ti pé être consommé. (Boukhari)
Anecdotes rapporté par „Allaamah Ibn Taymiyah (rahmatoul-laahi „alayh)
„Allaamah Ibn Taymiyah, dans so livre «A1-Fourqaan Bayna Auliyaa-ir- Rahmaan wa
Auliyaa-ish-Shaitaan» fine rapporte plusieurs anecdotes concernant banne Karaamat de
banne personnages pieux.
Par exemple Hazrat „Aamir Bin Abd Qais ti attrape ene lion avec so la main et ti
avance li depi lors ene chemin ki ti pé empêche ene caravane traversé.
Hazrat Safeenah ti être accompagné par ene lion juska so destination pendant ene
certain trajet.
Selon ene l‟autre anecdote rapporté par „Allaamah Ibn Taymiyah (rahmatoullaahi „alayh),
Hazrat Wasla Bin Ash-yam so cheval fine mort pendant ene bataille. Li fine dimane
dou‟aa. Allah Ta‟ala fine faire so cheval revive juska ki li fine réussi rente so la caze.
Revive après la mort
Revive après la mort, comme ene miracle li tout à fait possible et perna narien dans shariat ki
dire ki ça pas capave arrivé. Au contraire ena plusieurs l‟exemples dans Qour‟aan et dans
hadices.
D‟abord nous ena ça l‟exemple cote Allah Ta‟ala faire nou conné ki li ti redone la vie
après la mort à ceux ki ti accompagne Hazrat Moussa lor Mont Sinaï. (S2 V56)
Deuxième l‟exemple c‟est ene personne dans Bani Israel ki ti être assassinée. Allah
Ta‟ala ti faire li revive pou li dévoile so assassin. (S2 V73)
12 Les Croyances Islamiques -
Par Mufti M.R.Meerun
C/o Jamiat-ul-Ulama - Cnr Sumatra & Penang Street - Port-Louis Tel : 240-0439
Troisième l‟exemple c‟est la personne ki Allah Ta‟ala ti faire li et so bourique revive
après ki zotte fine reste mort pendant ene siècle. (S2 V259)
Quatrième l‟exemple c‟est ki Allah Ta‟ala fine ordonne Hazrat Ibrahim prend 4
qualités z‟oiseaux ki li fine coupé boute boute, zotte morceaux fine mélangé entre zotte et
fine place zotte lors plusieurs montagnes (sept montagnes selon tafseer) et li fine appelle
zotte. A l‟appel de Hazrat Ibrahim , banne z‟oiseaux là fine reconstitué dans l‟air et zotte
fine vine cote Ibrahim . (S2 V260)
Hazrat „Issa ti pé faire banne ki fine mort revive par l‟ordre Allah Ta‟ala.
Similairement nous ena ene grand Tabe‟i, en l‟occurrence Hazrat Rib‟i Bin Hiraash
(rahmatoullaahi „alyah) ki fine sourire après so la mort selon le Mouqaddamah (introduction)
lors Sahih Muslim de „Allaamah An-Nawawi (rahmatoullaahi „alayh) et selon le
commentaire „Oumdatoul-Qari lors Sahih Boukhari de „Allaamah Badrouddeen.
Tout cela, c‟était comme Karaamat ki Allah Ta‟ala ti accorde zotte. Et pou Allah Ta‟ala
narien pas impossible.
La question „causé et sourire après la mort‟, nous fine traite ça avec détails parceki ena
banne dimounes par zotte l‟ignorance, zotte contesté et démenti banne anecdotes similaire.
Comme si shari‟at bizin suive zotte logique et zotte l‟esprit limité. Et zotte na perna aukene
preuve lors l‟impossibilité de ça banne anecdotes-là.
Alhamdoulillah, nous fine arrivé trouvé avec force de preuve authentique ki na perna narien
impossible. Par l‟ordre Allah Ta‟ala, tout ça banne kikchose-là fine arrivé - zotte comme
Mou‟jizah, Karaamat et miracles.
Banne ki ena „Ilm, zotte pas fine refuse accepté ça banne kikchose-là. Zotte conné ki
zotte l‟esprit ena ene limite cote li pas capave alle plis loin ki ça. Zotte laisse zotte logique
ene coté et zotte suive shariat. C‟est ça même ki appelle Ittiba-„e-Kaamil (l‟obéissance
totale) ki ene personne accepté ene kikchose de shari‟at même si ça pas vine dans so l‟esprit.
Quant à banne ki manque ça fortune de Ilm-là, zotte suive plutôt ceki compatible avec zotte
l‟esprit. Comme si zotte l‟esprit et zotte logique c‟est zotte shari‟at. C‟est purement
l‟égarement et la perdition totale.
ESKI TOUT MIRACLE APPELLE KARAAMAT?
Li bon pou nou conné ki tout miracle pas appelle Karaamat. Quand nou trouve ene personne
faire ene miracle nou bizin guette so comportement dans Deen avant nou croire ki ça
miracle-là li ene Karaamat ou non.
Si ça personne-là li “Mouttaqui” et ene bon pratiquant ki suive Deen d‟après les principes de
nou Nabi , alors ça miracle là pou ene Karaamat.
(ISTIDRAAJ)
Le miracle de ene personne ki pas dans deen appelle (Istidraaj). Ça qualité miracle-
là pena aukène valeur. Li vine de coté Shaitaan. Faudré pas gagne embêté avec banne
kitchose pareil. Ça capave affecté nou Deen et nou Imaan. Et d‟ailleurs beaucoup fine égaré
avec ça.
SHIRK/KUFR
13 Les Croyances Islamiques -
Par Mufti M.R.Meerun
C/o Jamiat-ul-Ulama - Cnr Sumatra & Penang Street - Port-Louis Tel : 240-0439
Allah Ta‟ala li unique. Pena narien couma li ni ena kitchose ki ressemblé li. Associé kikene
avec Allah Ta‟ala dans n‟importe ki so banne attribut appelle Shirk. Par exemple Allah
Ta‟ala tout seul conne tout, li partout et ena capacité lors tout kitchose. Maintenant si kikene
croire ki ena kikene encore ki possède ça qualité de conne tout, capave faire tout et être
partout, alors veut dire ki li fine faire shirk parceki li fine associé kikene avec Allah dans so
banne capacités et so banne attributs.
Kufr signifié refuse accepté Allah Ta‟ala. Faire Shirk li absolument couma kufr. Parceki
associé kikene avec Allah Ta‟ala, li couma dire refuse accepté so qualité et so capacité.
MOUSHRIK ET SO CONSEQUENCE GRAVE
Moushrik c‟est ene personne ki faire shirk. Si ene personne mort couma Moushrik, alors
jamais li pou être pardonné. Tout le temps li pou alle dans l‟enfer.
“Celui ki associé avec Allah, alors Allah Ta‟ala fine déclare jannat (paradis) haraam lors
li et so refuge pou du feu (de l‟enfer) ...“ (S5/V72)
LE PECHE DE SHIRK C‟EST LE PLUS GRAND PECHE ET LI ENE PECHE
IMPARDONNABLE
“Certainement Allah pas pou pardonne la pratique de shirk et apart ça li pardonne celui
ki li oulé ...“ (S4/V116)
Note:
Ça li appliqué pou ene dimoune ki fine mort et fine quitte ça le monde-là en état Moushrik
sans repentir. Mais si kikene fine dimane Allah pardon pou banne shirk ki li fine faire avant
li mort, alors Allah Ta‟ala pou pardonne li.
Pas bizin découragé et désespéré de la grâce Allah parceki Allah li pardonne tout banne
péchés. Certainement c‟est li même le grand Pardonneur et li même celui ki ena pitié par
excellence. (Ref: S39/V53)
RID-DAH/IRTIDAAD
Rid-dah ou Irtidaad signifié rejette l‟Islam après avoir accepté li. Ene personne ki commette
rid-dah, appelle li (Mourtad). La position ene mourtad li pli dégradant ki ene kaafir.
L‟EFFET DE (L‟APOSTASIE) Dans ene l‟état islamique, ene personne ki rejette l‟Islam après avoir accepté, li mérite la
peine de mort. So nikaah li annulé. Tout so banne bon actions annulé. Si li fine faire Hajj
auparavant, alors ça aussi li annulé. Ça péché-là li pli grave ki kufr parceki li ene tentative
pou gâte l‟image de l‟Islam et li décourage banne ki oulé embrasse l‟Islam.
Note: Sans Imaan pena paradis et avec kufr et shirk aukene bon action pas accepté. Ene
kaafir ou ene moushrik jamais pou alle dans paradis.
Kufr
Kufr signifié le rejet de l‟Islam. Celui ki rejette l‟Islam, appelle li Kaafir.
Le rejet de l‟Islam li vine par refuse accepté l‟existence Allah Ta‟ala.
Ena des fois éne personne accepté et croire dans éne être suprême mais li accepté li dans éne
façon ki li pas été ou bien li accepté li dans éne façon ki pas digne à li. Accepté Allah Ta‟ala
dans éne façon ki li pas été ou soit dans éne façon ki pas digne à li, ça aussi li pareil couma
pas accepté l‟existence Allah Ta‟ala. Couma pas accepté l‟existence Allah Ta‟ala li Kufr, ça
aussi li Kufr. Par exemple éne personne croire ki Allah Ta‟ala li obligé faire kikchose ou
14 Les Croyances Islamiques -
Par Mufti M.R.Meerun
C/o Jamiat-ul-Ulama - Cnr Sumatra & Penang Street - Port-Louis Tel : 240-0439
bien li incapable pour faire kitchose ou soit li dépanne lors kikéne pou faire kitchose ou bien
li pas ti conné ceki pou arrivé dans l‟avenir plus tard. Or éne Créateur Suprême ou éne Allah
de ça genre là pas existé même. Donc accepté éne Créateur Suprême ou éne Allah de ça
genre là signifié pas croire dans l‟existence Allah Ta‟ala et Allah li au delà de tous banne
manquements et tous banne faiblesse.
L’ORIGINE DE KUFR ET BANNE KITCHOSE KI ENTRAINE VERS KUFR
L‟origine de Kufr ou le refus d‟accepter l‟existence Allah Ta‟ala dans la façon ki li été li
vine par “ ” (démentir) de Nabi Hazrat Mouhammad () dans le message ki li fine
transmette à l‟humanité. Tout l‟attitude, déclaration, action ou conception ki exprime ou
indique “ ” (refus d‟accepter), alors li considéré couma kufr. Par exemple éne
personne ki faire namaz mais en même temps li faire Sajdah (prosterner) devant éne statue
ou éne idole. Ça personne là li pas éne mou‟mime parceki faire Sajdah devant statue ou
idole, li éne signe de “ ” à l‟égard du message ki nou Nabi Hazrat Mouhammad ()
fine amené.
Acoze de ça, par considère éne kitchose haraam comme halaal et déclare halaal couma
haraam, ou bien bouffonne éne principe de l‟Islam ou éne sounnat de Nabi Hazrat
Mouhammad (), ou bien dénigré ou sous estime éne pratique dans Deen, ene personne li
sorti en dehors l‟Islam et tombe dans kufr. Parceki ça banne kitchose là li éne signe de
“ ” pour nou Nabi Hazrat Mouhammad ().
L’INNOCENCE DE HAZRAT ’AISHA ( ) ET LES SHI’AS
Hazrat „Aisha ( ) c‟était la fille de Hazrat Abou Bakr ( ) et épouse bien-aimé
de nou Nabi Hazrat Mouhammad ().
Qour'aan-e-Kareem fine prouve l‟innocence de Hazrat „Aisha ( ) de banne blâmes ki
banne shi‟as pé continué mette lors li juska jordi. C‟est éne des banne raisons pour laquelle
banne shi‟ahs pas musulman. Zotte kaafir parceki zotte croyance et conception li contre
Qour'aan-e-Kareem.
QADIANI
Banne Qadiani pas accepté nou Nabi Hazrat Mouhammad () couma dernier Nabi. Pas
accepté nou Nabi Hazrat Mouhammad () couma le dernier Nabi c‟est Kufr et c‟est éne
façon pou démentir le message ki nou Nabi Hazrat Mouhammad () fine amené.
Donc banne ki croire ki ena encore éne Nabi fine vini après nou Nabi Hazrat Mouhammad
() couma banne Qadiani croire, alors zotte Kaafir. Zotte pas banne musulmans. Après nou
Nabi Hazrat Mouhammad (), celui ki déclaré ki li fine vine prophète, alors li éne grand
menteur.
“
Traduction:
“Dans l’avenir pou ena trente grands menteurs dans mo oummat. Chacun parmi zotte pou
prétende ki li éne Nabi (prophète) et pourtant mo même le dernier parmi tous banne
prophètes. Pena aukéne Nabi après moi.” (Mouslim)
15 Les Croyances Islamiques -
Par Mufti M.R.Meerun
C/o Jamiat-ul-Ulama - Cnr Sumatra & Penang Street - Port-Louis Tel : 240-0439
PRINCIPLE CONCERNANT KAAFIR Li important pou conné ki sanla musulman et ki sanla kaafir parceki ena éne série de
principes et règlements ki appliqué pour éne musulman mais ki pas applicable pou éne
kaafir. Par exemple nou mariage pas permette et pas compté avec éne kaafir. Etant donné ki
banne Shi‟as et banne Qadianis zotte pas musulmans, zotte na perna les même droits ki
banne musulmans ena. Donc pas gagne droit marié avec banne Shi‟as et banne Qadiani ni
éne musulman gagne droit consomme la chaire éne zanimau ki zotte fine faire zabah
(égorgé). Coumsa même quand zotte mort pas gagne droit faire namaaz janaza pou zotte ni
gagne droit enterre zotte dans qabarastan (cimetière) banne musulmans.
Traduction:
“Jamais faire namaaz (Janaza) pour kikéne ki fine mort parmi banne là ni diboute lor so
qabar (tombe) parceki zotte fine faire “Koufr” avec Allah avec so Rassoul (messager) et
zotte fine mort Kaafir.” (S9/V84)
HIJRAH Rassouloul-laah () fine commence propage Deen dans Makkah. Li fine gagne beaucoup
difficultés de la part de banne Moushrik et banne Kaafir. Quand ça fine vine insupportable,
Allah Ta‟ala fine ordonne nou Nabi () pou quitte Makkah et pou alle établi dans Madina et
ça l‟événement de quitte Makkah pou établi dans Madina appelle Hijrah. Banne habitants de
Makkah ki ti quitte Makkah et ti alle établi zotte dans Madina, appelle zotte Mouhaajir. Et
banne habitants de Madina ki ti recevoir ça bannes Mouhaajir là, appelle zotte banne Ansaar.
A partir ça même l‟événement de Hijrah, le calendrier Islamique fine commencé.
SAHAABAH Sahaabi (singulier de sahaabah) c‟est éne musulman ki fine trouve nou Nabi Hazrat
Mouhammad () et fine mort comme ene musulman. Banne Sahaabah ti les premiers ki fine
accepté le message de nou Nabi Hazrat Nabi Mouhammad (). Zotte mérite tout nou
respect. Pas gagne droit critique personne parmi banne Sahaabah-e-Kiraam. L‟amitié pour
banne Sahaabah-e-Kiraam li vine par l‟amitié ki nou ena pour Nabi Hazrat Mouhammad ().
Si kikene éprouve rancune ou l‟ennemité pour kit sahaabi ça veut dire ki li ena rancune avec
Rassouloullaah (). Mal parle ou critique et même mal pense banne Sahaabah-e-Kiraam li
pas travail musulman ça. C‟est banne ki na perna Imaan même ki capave ena éne l‟attitude
pareil.
c‟est les dix sahaabah-e-Kiraam ki nou Nabi Hazrat Mouhammad () ti annonce
zotte dans ce monde même ki zotte pou banne habitants de paradis.
Ça dix Sahaabah-e-Kiraam c‟est:-
(1) Hazrat Abou Bakr RA (6) Hazrat Zoubeir ()
(2) Hazrat „Oumar () (7) Hazrat A.Rahmaan bin „Awf ()
(3) Hazrat „Ousman () (8) Hazrat Sa‟d bin Waq-qaas ()
(4) Hazrat „Ali () (9) Hazrat Said bin Zaid ()
16 Les Croyances Islamiques -
Par Mufti M.R.Meerun
C/o Jamiat-ul-Ulama - Cnr Sumatra & Penang Street - Port-Louis Tel : 240-0439
(5) Hazrat Twalhah () (10) Hazrat Abou Oubaidah bin Jarraah ()
LES 4 KHOULAFAA (CALIFES)
Après nou Nabi Hazrat Mouhammad (), fine ena 4 Sahaabah-e-Kiraam ki fine occupe
problèmes banne musulmans et fine dirige l‟oummah. Zotte règne fine duré juska trente ans.
Ça 4 Khoulafaa là appelle zotte (Al-Khoulafaa-ar-Raashidoune).
Ça 4 Khoulafaa c‟est:
1. Hazrat Abou Bakr (),
2. Hazrat „Oumar (),
3. Hazrat „Ousmaan () et
4. Hazrat „Ali ().
MI’RAAJ Allah Ta‟ala ti faire nou Nabi Hazrat Mouhamaad () voyage depi Makkah juska Masjid-Ul-
Aqsaa ki trouve dans Jérusalem dans seulement éne ti parti la nuit. C‟était éne mou‟jizah
(miracle) de nou Nabi () parceki li ti impossible pou couvert éne longue distance et éne
trajet pareil dans éne ti peu le temps. Depi Masjid-Ul-Aqsaa ki appelle Baitoul-Mouqaddas
aussi Allah Ta‟ala fine amène nou Nabi () pou visite éne quantité merveille couma Paradis,
l‟enfer etc... Et dans même nuit nou Nabi () fine retourne chez li dans Makkah.
Ça voyage depi Makkah jusqu‟a Masjid-Ul-Aqsaa ki nou Nabi () fine faire appelle Israa. Et
le déplacement depi Masjid-Ul-Aqsaa ki li fine faire pou alle visite paradis et l‟enfer appelle
Mi‟raaj. Refuse accepté Israa li Koufr. Donc celui ki refuse li vine kaafir. Quand à mi‟raaj ki
signifié l‟ascension céleste, si kikene refuse accepté ça li pas vine kaafir mais c‟est éne grand
péché et éne grand l‟égarement.
Allah Ta‟ala ti faire nou Nabi () faire ça voyage là avec so le corps physique. Li pas éne
kitchose ki ti passé dans rêve.
HAZRAT MAHDI Dans dernier l‟époque quand position banne musulmans pour extrêmement faible, Hazrat
Mahdi () pour paraîte. Banne grand personnages couma banne Abdaal (banne personnes
ki pieux) pour reconnaîte et découvert Hazrat Mahdi () pendant ki li pour faire tawaaf
entre Hajar-Ul-Aswad et Maqaam-E-Ibrahim. Avec l‟avènement de Hazrat Mahdi (), le
monde entier pour vine sous règne de l‟Islaam. Après la mort Hazrat Mahdi (), Hazrat
Issa () pour prend la relève et pour dirige l‟oummah.
HAZRAT ‘ISSAA ( ) Dans l‟époque ki Hazrat „Issaa () ti Nabi lors la terre, banne juifs ti faire complot pour
assassine li mais Allah Ta‟ala fine protége li et fine enlève li lors le ciel. Juska zordi li encore
vivant avec so le corps physique dans le ciel. Dans l‟époque Hazrat Mahdi ( ), Hazrat
„Issaa () pou revine lors la terre et finalement li pour touille Daj-jaal. Après ça li pou mort
so la mort normal.
top related